Düşünərdim ki. . .

                                                       

"Pıçıltı" kitabımdan kiçik bir şer

             

                                                      Düşünərdim ki,

                                                                               səndən savayı

                                                       heç kəsi sevə bilmərəm.

                                                       Xatırlayırsanmı ana?

                                                       Kiçik ikən

                                                      “mən ancaq səni sevirəm”

                                       deyərdim.

       Nə bilərdim, bir gün gələr. . .

                                                       Bir gün gələr və mən də

                                  sevə bilərəm.

Sevdim ana!

             Səndən başqasını da sevə bildim.

                                                       Bilmirəm,

                                                       onu sənin qədər sevə bildimmi,

                                                ya yox.

                                                      Bircə onu bilirəm ki,

                                        sevdim, ana.

                                                     Dəlicəsinə,

bir vurğuncasına

                                      sevdim, ana.

                                                      Səndən sonra ancaq

                             Ölümü sevə bildim.